Monthly Archives: જુલાઇ 2013

એવા ગુરુ નું શરણું પામવું

સામાન્ય

ગુરુ પૂર્ણિમા.

તમારું મનન એજ મારું કવન હો!

એવા ગુરુ નું શરણું પામવું

રે મારે એવા ગુરુ નું શરણું પામવું …

 

સ્નેહે સમજાવે જીવન, જીવનને કરતો પાવન

પાવન જીવન ને મારે જાણવું …                            રે મારે …

 

ચંદન ની શીતળતા એ જીવન માં રેડતો

મીઠી સુગંધી એતો માનવમાં વેરતો

શીતળતા સુગંધીને આપે નીજ શિષ્યને જે

ચંદન શા ગુરુ ચરણો માં જવું …                           રે મારે …

 

કાચબની માફક ઈન્દ્રીય નિગ્રહ સમજાવતો

સંયમને મર્યાદાના પાઠો શિખવાડતો

વિણા સમ ગુંજે જીવન છેડે મધુરી સરગમ

“કાચબ” શા ગુરુજી ને જાણવું …                         રે મારે …

 

ધરતીની પેઠે એતો ધીરજ ને ધારતો

માતાનું વ્હાલ દઈને પ્રેમે શિખવાડતો

ખીલવે સદ્ગુણ નાં ફુલો સમજાવે જીવન મુલો

“ધરતી” ગુરુ ને ખોળે ખેલવું …                             રે મારે …

 

વાયુ ની જેમ એતો પ્રાણ ને ટકાવતો

જીવાડે બીજાને પણ પોતે છૂપાઈ જાતો

શીખવે ઈશ કામ કરવું તોયે સંતાઈ જાવું

“વાયુ” ગુરુ નું ગાણું  ગુંજવું …                               રે મારે …

 

ફૂલડાં ના રંગો એતો જીવનમાં છાંટતો

ખુદના…

View original post 60 more words

Advertisements

અત્રી વંશજ આવો ગુરુવર

સામાન્ય

ગુરુ પૂર્ણિમા

તમારું મનન એજ મારું કવન હો!

(રાગ- મારું જીવન અંજલિ થાજો …)

 

અત્રી વંશજ આવો ગુરુવર

પાંડુરંગ પધારો

દત્તનો અંશ પધારો ગુરુવર

પાંડુરંગ પધારો

 

મિથ્યા જ્ઞાન મહીં જન બળતા

શાસ્ત્ર તણાં શસ્ત્રે બહુ લડતા

ભાવ પિયુષ પીવડાવો …     ગુરુવર …

 

ભ્રાંત ભક્તિનાં પુર ઉમટતાં

માગણ દીન હીન જન સહુ રડતાં

જ્ઞાન પ્રદીપ પ્રગટાવો …      ગુરુવર …

 

યૌવન માં વૃદ્ધત્વ છવાયું

લાચારી આળસ ધન છાયું

પૌરુષને છલકાવો …         ગુરુવર …

 

સ્વાર્થ તણાં ભૂત જગમાં ભમતાં

એક બીજાને ખાવા મથતાં

શિવ થઈ ભૂત ભગાવો …    ગુરુવર …

 

વિષ ના સાગર માનવ હૃદયો

દ્વેષ ગુફાઓ માનવ નયનો

કરુણા જલ છલકાવો …     ગુરુવર …

 

સંસ્કૃતિને ધર્મ ઉગારો

માનવનું દૌર્બલ્ય નિવારો

ઈશ અવતાર પધારો …        ગુરુવર …

 

દત્તાત્રય સમ જન ઉધ્ધારક

જ્ઞાન ભક્તિને કર્મ ઉપાસક

ત્રિગુણાતીત પ્રભુ આવો …    ગુરુવર …

 

યોગીશ્વર મન ભાવન આવો

યોગેશ્વરના વ્હાલા આવો

અમ જીવન મુસ્કાઓ …        ગુરુવર …

============== ૐ ============

View original post

દિલમાં ઈશની પ્રતિષ્ઠા

સામાન્ય

(રાગ- નોખી માટીનાં નોખાં માનવી …)

 

રાખીશ જો એકજ નિષ્ઠા, દિલમાં ઈશની પ્રતિષ્ઠા

તો તો હરિ તને સંભાળશે, ઓ ભાઈ તો તો હરિ તને સંભાળશે

 

મુખથી લઈ નામ તું તો ઈશને પોકારતો

મનમાં શ્રધ્ધા ના તુજને બીજાને ચાહતો

ભાગેડું ભક્તિ તારી છોડી દે ઓ અવિચારી

પ્રભુ ખોળામાં તુજને ધારશે                     ઓ ભાઈ …

 

જીવનમાં કેટલાંયે તોફાનો આવશે

કેટલાયે માનવીઓ નિષ્ઠા ડગાવશે

તોયે તું હિંમત ધરજે શ્રધ્ધાને મજબૂત કરજે

તું તો કસોટી પાર પામશે                        ઓ ભાઈ …

 

લાલચની માયાજાળે તું ના ફસાઈ જાતો

ક્ષણનાં સુખોને ખાતર તું ના ભરમાઈ જાતો

સુખ દુ:ખને ટાળીશ જો તું પ્રભુજીને અપનાવીશતો

જગનો પિતા તને રમાડશે                        ઓ ભાઈ …

 

વ્યભિચારી નિષ્ઠાથી ના ઈશ્વર ખુશી થશે

હૈયાના ભાવ વિના પાસે ના આવશે

અવ્યભિચારીણી ભક્તિ દેશે અનોખી શક્તિ

હરિનાં ચરણોમાં સ્થાન આપશે                     ઓ ભાઈ …

    ===ૐ===

ચૈત્ર વદ અમાસ -પડવો વૈશાખ સુદ, સં. ૨૦૩૬, મંગળવાર, તા. ૧૫-૪-૮૦.