Monthly Archives: ફેબ્રુવારી 2014

આનંદે નાચતો નિવાસ.

સામાન્ય

ઊર્મિની ઈંટોથી સર્જ્યો આવાસ મેં,

આનંદે નાચતો કીધો નિવાસ મેં.

 

સંતાનોને સંતની મેં દિશા ચીંધી,

સંસ્કાર ઉપવીતની દીક્ષા છે દીધી,

બુદ્ધિની શુદ્ધિનો કીધો પ્રયાસ મેં. . .                      આનંદે. . .

 

પ્રિયવાણી પ્રિયાના મુખને શોભાવતી,

આતિથ્ય પૂજાથી ઘરને દિપાવતી,

સાચા મિત્રો કીધા મનનો શણગાર મેં. . .                આનંદે. . .

 

નિજના પરસેવે લક્ષ્મીજી આરાધીયા,

સાથ સાથ વિષ્ણુના ચરણો પખાળીયા,

વૈભવને માન્યો છે ઈશનો પ્રસાદ મેં. . .                  આનંદે. . .

 

જ્ઞાનની ઉપાસના ને કલ્યાણ ચાહના,

એ રીતે થાતી શિવજીની આરાધના,

મળતું ભોજન માન્યું સાચું મિષ્ટાન્ન મેં. . .              આનંદે. . .

 

સાચા સંતો એતો ઈશ્વરનાં દૂતો,

એવાં સાધુ કેરો સથવારો કીધો,

એવો ગૃહસ્થાશ્રમ તો ધન્ય થઈ ઝૂમે. . .                 આનંદે. . .

=== ૐ ===

વૈશાખ વદ ચૌદશ, સં. ૨૦૪૨, શુક્રવાર. તા. ૬-૬-૧૯૮૬.

દ્રષ્ટાંત ગીતા – ૧ (e-book)

સામાન્ય

ગીતાના કેટલાંક ચુનંદા શ્લોકો પર આધારિત મારી પુસ્તિકા “દ્રષ્ટાંત ગીતા – ૧”, આ બ્લોગના પુસ્તક વિભાગમાં વાંચવા (DOWNLOAD) માટે ઉપલબ્ધ છે. આ શ્રેણીનો બીજો ભાગ પણ અહીં ટૂંક સમયમાં રજુ કરીશ. આશા છે સૌને ગમશે.

દ્રષ્ટાંત ગીતા - ૧

આપ સૌનાં અમૂલ્ય અભિપ્રાયની આશા ઠેરવું છું.

Arise Awake O Man.

સામાન્ય

Arise Awake O Man,

    Arise Awake O Man,

Stop Not Till The Goal Is Reached.

    Arise Awake O Man.

 

You Can Be Arjun,

    Or Can Be Villain,

You Can Be What You Can. . .          Arise. . .

 

You Think You Are Sinner,

    But God Is Your Lover,

HE Will Take All Your Strain. . .        Arise. . .

 

God Is With You Always,

    Joy And Sorrow Are Plays,

With HIM Play All The Games. . .     Arise. . .

 

HE Showers HIS Mercy,

    Open Eyes And See,

‘DADA’ Is Divine Stream. . .                Arise. . .

=== ૐ ===

ચૈત્ર વદ બીજ, સં. ૨૦૪૨, શનિવાર. તા. ૨૬-૪-૧૯૮૬.

શીતલ શીતલ ગંગા મૈયા.

સામાન્ય

શીતલ શીતલ ગંગા મૈયા,

મીઠી મીઠી યમુનાજી,

સરસ્વતી ઓઝલમાં રહેતી,

વાતો કરતાં થઈ રાજી. . .

 

 

અલ્લાહ  બાદ થયો’તો જ્યારે,

અલ્હાબાદ તો માથા ભારે,

સુસ્તી ફૂસ્તી કેફી મસ્તી,

ખૂન ખરાબા ચોરી ડસતી. . .

 

 

તીર્થધામમાં પવિત્રતા ને,

શાંતિ ડૂસકાં ભરતાં જી,

ત્રાહિમામ સાત્વિક પુકારે,

દિલડાં દર્દ ટપકતાં જી. . .

 

 

એક ફિરસ્તો રમતો રમતો,

ભક્તિની ગંગા રેલવતો,

હૈયાની દિવાલો ભેદી,

દુષ્ટ વૃત્તિના કિલ્લા છેદી. . .

 

 

તીર્થરાજમાં “તીર્થરાજ” થઈ,

સૌને મળવા આવ્યો જી,

અલ્લાહ થઈ આબાદ હસ્યો ત્યાં,

જન ગણ મન થાતાં રાજી. . .

=== ૐ ===

ચૈત્ર સુદ આઠમ, સં. ૨૦૪૨, ગુરુવાર. તા. ૧૭-૪-૧૯૮૬.

માન સરવર

સામાન્ય

માન સરવર હંસની પાંખો બધે ફેલાઇ ગઈ,

‘શ્વેત નગરી’ જોતજોતામાં અહીં સર્જાઈ ગઈ.

 

પુરુષ સૂક્ત મહીં કહેલો પુરુષ ત્યાં પ્રગટી રહ્યો,

હજ્જાર મસ્તક ચરણ નયનોની ઝલક દેખાઈ ગઈ.

 

વેતન વિના તન અર્પીને પૂજા કરે પૂજારીઓ,

શક્યતા કંઈ છે નહીં કહેનારની જીભ બંધ થઈ.

 

વાયુ વરુણ ને અગ્નિએ પણ ચેનચાળા ખૂબ કર્યા,

‘દાદા’ની યોગેશ્વર પ્રતિ શ્રદ્ધાની ત્યારે જીત થઈ.

 

વિદ્વાન સંતો શાસકો આશ્ચર્યથી દિગ્મૂઢ બન્યા,

ભક્તિની શક્તિ સૌ સવાલોના જવાબો દઈ ગઈ.

 

ત્રિવેણીના સંગમ તટે જ્યાં તીર્થરાજ મિલન થયું,

ત્યાં પથ પ્રદર્શક પાંડુરંગી ચેતના પ્રગટી રહી.

 

વર્ષો પછીના બીજ થઈને વૃક્ષ ત્યાં ઝૂમી રહ્યા,

એંધાણ સતયુગના જણાયાં ને નિરાશા દૂર થઈ.

 

દેશ ને વિદેશના ચિંતક વદયા એકજ સૂરે,

પાંડુરંગ જ યુગ પુરુષ છે ના હવે શંકા રહી.

=== ૐ ===

ચૈત્ર સુદ સાતમ, સં. ૨૦૪૨, બુધવાર. તા. ૧૬-૪-૧૯૮૬.

યૌવનનો સાગર.

સામાન્ય

(રાગ – હોઠે હરિનામ દિલે ઈશ્વરનું કામ. . .)

 

ગરજતો જાય એ તો નાચતો જાય,

યૌવનનો સાગર તો આભે અથડાય.

 

સ્વાધ્યાય વિચલનનું મોજુ વહ્યું છે,

પાંગરતું જોબન એનાં પર રમ્યું છે,

પૌરુષ પરાક્રમનો ઉત્સવ ઊજવાય. . .            યૌવનનો. . .

 

એક આંખ સ્નેહ નિર્ઝરી થઈ વહી છે,

બીજી દાનવતાને બાળી રહી છે,

અક્કડની સામે એ ટક્કર થઈ જાય. . .            યૌવનનો. . .

 

હાસ્યના ફુવારા જીવનના મિનારા,

દુ:ખના રણમાં ઊગ્યા સ્નેહ તણાં ક્યારા,

હૈયામાં ફોરમ થઈ એ તો ફોરાય. . .                 યૌવનનો. . .

 

ગામ ગામ એનાં જ્યાં પગલાં પડે છે,

દૈવી વિચારોના સ્મારક બને છે,

હૈયામાં ઈશ્વરના ધામો સર્જાય. . .                    યૌવનનો. . .

 

વંઠેલી યુવાની આજ થઈ શાણી,

‘દાદા’એ એની શક્તિને પિછાણી,

ખંડનને બદલે એ સર્જન દઈ જાય. . .              યૌવનનો. . .

=== ૐ ===

મહા વદ આઠમ, સં. ૨૦૪૨, સોમવાર. તા. ૩-૩-૧૯૮૬.

। योगेश्वर स्तवन ।

સામાન્ય

समाधिमास्थितो देवो विस्मृत्यात्मानमेव हि ।

विमूढम् पार्थिवं द्रष्टवा हरि: प्राह रणांगणे ।।

 

योगेश्वर स्वरूपेण ब्रह्मैव विलसत्य हो ।

‘भगवानुवाच’ रूत्येतद्तो गीतोत्कमादरात् ।।

 

योगस्य चरमां भूमिं स्थितो योगेश्वरोSस्तिस: ।

योगेश्वर: कृष्ण रूव श्व्यातो राम: शिवस्तथी ।।

 

जीवं शिवं सधियन्ती प्रक्रीया योग उच्यते ।

एवं हि सिद्धो योगात्मा वाहवेद योगं जाह्नवीम् ।।

 

योगेश्वरापर्ये स्वीयां तनुं स्वीकुरु मामकीम् ।

ब्रह्मेश्वर ब्रह्मणो हि स्नेह वर्षां प्रवर्षया ।।

=== ॐ‌ ===