હું  દિનેશચંદ્ર દલસુખરામ પાઠક અને મિત્રોમાં દિનેશ પાઠક તરિકે જાણીતો. જ્ઞાતિજનમાં નાનાં મોટા સૌનો ‘દિનુ મામા’! મારું  મૂળ વતન ‘થળી’, તા. નાંદોદ, જિ. નર્મદા, ગુજરાત.

 

મારી ૧૨ વર્ષની ઉંમરે ગામ છોડીને બહેનને ત્યાં અભ્યાસ માટે આવ્યો અને કલાભવન, મહારાજા સયાજીરાવ યુનિવર્સિટી ખાતે આર્કિટેક્ચરમાં (સ્થાપત્ય) સ્નાતકની પદવી મેળવી. બહેનની ઘરે રહીને ભાણાંઓ સાથે ભણતાં ભણતાં બધાંનો ‘મામો’ થઇ ગયો.

 

વ્યવસાયિક જીવનની શરુઆતમાં સુરત અને ગાંધીનગરમાં ‘કેપિટલ પ્રોજેક્ટ’ માં ૬-૬ મહિના કામ કરવાનો મોકો મળ્યો. ત્યારબાદ વડોદરા મ્યુનિસિપલ કોર્પોરેશનમાં ૧૦ વર્ષ આર્કિટેક્ટ તરીકે કામ કર્યું પણ ત્યાંનાં તંત્રને જાકારો આપવો પડ્યો. આર્કિટેક્ચર ડિપાર્ટમેંટ, ફેકલ્ટી ઓફ ટેક્નોલૉજી એન્ડ એન્જિનિયરિંગ, મહારાજા સયાજીરાવ યુનિવર્સિટીમાં શિક્ષક તરીકે જોડાઇ ૨૯ વર્ષ કામ કર્યું. મહારાજા સયાજીરાવ યુનિવર્સિટીમાંથી નિવૃત થયાં બાદ સ્કૂલ ઓફ આર્કિટેક્ચર, વાસદમાં ૧ વર્ષ શિક્ષક તરીકે સેવા આપી. મને ૪૧ વર્ષનાં અનુભવમાં, ૩૦ વર્ષ શૈક્ષણિક ક્ષેત્રે અને ૧૧ વર્ષ વ્યવસાયિક સેવા કરવાનો લાભ મળ્યો.

 

મારાં શોખ અને વિશિષ્ટ કાર્યો:

  • સંગીત, નાટક, વાંચન અને પર્યટનનો અદમ્ય શોખ.

  • સંતો, સમાજ સુધારકો, લેખકો, કવિઓ, સ્વતંત્ર સેનાનીઓ, રાજ નેતાઓ, સંગીતકારો, રમતવીરો, નૃત્યકારો, આર્કિટેકટ્સ અને વિવિધ કલાકારોને જોવાનો અને મળવાનો લાભ મળ્યો. બધાં થઇને ૩૦૦-૪૦૦ જેટલાં મહાનુભાવો સાથે મિલન અથવા દર્શનની તક મળી.

  • ભારતમાં હિમાલય, હરિયાણા, રાજસ્થાન, ગુજરાત અને સૌરાષ્ટ્રનાં ૨૦૦ જેટલાં  ગામડાંઓ તથા  મુખ્ય  શહેરો જોયાં અને ત્યાં વૈદિક સંસ્કૃતિનો પ્રચાર તથા પ્રસાર કર્યો.  નેપાળ અને કતાર (મધ્ય પૂર્વ એશિયા) જેવાં દેશો જોવાની પણ તક મળી.

  • સ્વાધ્યાય કેન્દ્ર, રોટરી ક્લબ, લાયન્સ ક્લબ, સીનિયર સીટિઝન્સ તેમજ સ્કૂલ તથા કોલેજમાં વિવિધ વિષયો ઉપર લગભગ ૩૦૦૦ પ્રવચનો આપવાનો મોકો મળ્યો.

  • ઑલ ઇન્ડિયા રેડિયો(AIR), ‘આકાશવાણી’ દ્વારા ૩ રેડિયો ટૉક પ્રસારિત થઇ.

  • લગભગ ૨ વર્ષ સુધી વડોદરાની સ્થાનિક ચેનલ “J TV” દ્વારા વિવિધ વિષયો પર ૨૦૦ જેટલાં વાર્તાલાપ પ્રસારિત થયાં.

  • સ્વરચિત કાવ્યોનો “મારે હૃદય વસો ઘનશ્યામ” નામનો સંગીત સંગ્રહ પ્રકાશિત કર્યો, જેને સંગીતબદ્ધ શ્રી શશાંક ફડણીસ કર્યો. આ બ્લોગનાં ‘સંગીત સંગ્રહ’ વિભાગમાં આ ગીતો સાંભળી શકો છો.

  • ૬૦૦ જેટલાં કાવ્યોની રચના કરી, જેમાં પ્રકૃતિ, સંસ્કૃતિ, દેવ-દેવીઓ અને ગીતાજીના ઉપદેશને રજુ કર્યો. હવે આ જ ગીતો આ બ્લોગ દ્વારા રજુ કરવાનો પ્રયાસ કરું  છું. આશા છે સર્વને ગમશે.

 

મારાં પ્રકાશિત પુસ્તકો:

૧. ષોડશ સંસ્કાર

૨. વંદના તુજને હજો…

૩. શ્રી કૃષ્ણ માધુર્ય

૪. सत्यं परं धीमहि |

નોંધ: ઉપરનાં ચાર પુસ્તકો ગુજરાત પુસ્તકાલયમાં (સંસ્થા વસાહત, વડોદરા) વેચાણથી ઉપલબ્ધ છે.

૫. દ્રષ્ટાંત ગીતા ભાગ ૧ – ૨

૬. પ્રભુ લીધો મેં પંથ તારો

૭. શિવ દર્શન (લોકસત્તા સમાચર પત્રમાં શ્રાવણ મહિના નિમિત્તે છપાયેલાં લેખો નો સંપૂર્ણ સંગ્રહ )

૮. શુભ વિવાહ

૯. ગીતા નિર્ઝરી

૧૦. ધરતી પરનાં દેવ

71 responses »

  1. દિનેશભાઈ આપના બ્લોગની મુલાકાત લઈને આનંદ થયો .

    આપની આધ્યાત્મિક રચનાઓ માણી .

    આપને અભિનંદન અને અનેક શુભેચ્છાઓ .

    જય યોગેશ્વર

  2. આપ થકી બ્લોગ જગતનો વૈભવ વધશે એ અભ્યર્થના…સાહિત્ય અને સંસ્કારનું ગૌરવ સાથે જ લાભશું.

    રમેશ પટેલ(આકાશદીપ)ની ખૂબ ખૂબ શુભેચ્છાઓ.

  3. ગુજરાતી બ્લોગજગતમાં આ પ્રતિભાવ સુધી આપને આવકારનારા મોટા ભાગના પ્રત્યક્ષ અને બાકીના પરોક્ષ રીતે મારા મિત્રો જ છે. આ બધાયના ભેળો આપને આવકારવામાં હુંય ભળું છું. આપ આર્કિટેક્ચર હોઈ સૌ વાચકોને એ વિષયે ઘણું નવું જાણવા મળશે તેવી હું આશા સેવું છું. આપની ભાળ મારા બ્લોગ ઉપરના આપના પ્રતિભાવ થકી મળી છે.

  4. ગુજરાતી કવિતાઓનો બ્લોગ જોઇને ઘણો જ આનંદ થયો.

    આ કવિતાઓ બ્લોગના માધ્યમ દ્વારા પ્રકાશિત કરવા બદલ તમારો ખૂબ ખૂબ આભાર

    અંકિત

  5. માનનિય શ્રી પાઠક સાહેબ,
    પહેલાં તો આપનો આભાર કે આપે મારા બ્લોગની મૂલાકાત લીધી. આપની રચનાઓ જોવા તત્પર છુ. બની શકેતો રૂબરૂ મળવાની પણ ઈચ્છા છે.
    વંદન સાથે,
    ‘સાજ’ મેવાડા

    • તમારા કૃષ્ણ પ્રેમ ભર્યા ગીતો વાંચીને ઘણો આનંદ થયો. હું પણ વડોદરામાં છું એટલે આપણે જરુર મળી શકીયે એમ છે. મારાં સંપર્ક વિભાગમાં ફોન નંબર અને સરનામું છે, આપશ્રી જરુરથી ઘરે પધારો.

  6. પ્રા. પાઠક સાહેબ

    આપના બ્લોગ પર ગુજરાતી કાવ્યોનો અનેરો આનંદ મળ્યો સાહેબ

    આપના પરિચય પરથી નિખાલસ વિચારો જાણીને ખુબ જ આનંદ સાહેબ

    બસ, આમ જ ગુજરાતી સમાજની સેવા કરતા રહો

    ફરી મળીશુ

  7. આજે પહેલીવાર આ બ્લોગની મુલાકાત લીધી સ્વાધ્યાય પ્રવૃત્તિ સાથે સંકળાયેલ હોવાને કારણે આપની કવિતામાં તે પ્રેમ દેખાય છે હું પણ ઘણીવાર જાવ છું આપને ખૂબ ખૂબ અભિનંદન

  8. સરસ સામગ્રી મુકાઈ છે…..એક નવી જ શૈલીમાં રચનાઓ ગમી છે. મેં આપના બ્લૉગને ફોલો કર્યો હોઈ વિગતો મળતી રહેશે. સ્વાગતમ્.

  9. ગુજરાતી બ્લૉગની નાનકડી-વિશાળ દુનિયામાં એક અનુભવી વડીલનું દિલથી સ્વાગત છે.

    જો કે તમે રહ્યા ‘ભગવાનના માણસ’ અને અમે રહ્યા અળવિતરા જીવ, છતાંયે તમે મોટું મન રાખીને મારા બગીચે પધાર્યા તે બદલ આભાર..

  10. મારા બ્લોગ ની મુલાકાત બદલ આભાર , ખુબજ સરળ ને હૃદય સ્પર્શી સાહિત્ય વાંચી ને આનંદ થયો. ખબ આભાર આપના વક્તવ્યો ને લોકો સુધી પહોંચાડવા બદલ

  11. Dear Sir,
    First of all, Thanks for visiting my blog and following me.
    I liked your blog too. though there are some difference in our thoughts we may try to find some common ground on which we can discuss.
    Most of the Gujarati posts you seen on my blogs are copied from different places but they are the one i liked and i thought i need to share it with others so that everyone gets a taste of honey!!!
    I generally not write much of my own just putting the things i liked.

    once again thanks… 🙂

    Have a happy blogging…….

  12. આપનો ખુબ ખુબ આભાર દિનેશભાઈ.
    આપ સમાન વડીલોની સતત હુંફ મળતી રહે એવી આશા રાખું.
    મારા બ્લોગ પર આપની કોમેન્ટ જોતા જ હૈયું બાગ બાગ થઇ ગયું.
    આજે ઘણાય દિવસે એવું ફિલ થયું કે લાવ ફરી પાછું લખવાનું શરુ કરું…!!
    આપને પ્રણામ.

  13. શ્રી દિનેશભાઈ,
    અનાયાસે જ આપના બ્લોગની મુલાકાતે આવી જવાયું. આપનો સુંદર બ્લોગ સાથે કાવ્ય રચનાઓ અને આપનો શિક્ષણ તથા અન્ય ફેકલટીનો અનુભવ ઉપરાંત અનેક સ્થળોની મુલાકાત આપનો બ્લોગ વિવિધ રચનાઓ દ્વારા અચૂક બેનમૂન બની રહેશે તે નિઃશંક છે. આપને હાર્દિક શુભેચ્છઓ સાથે— અરવિંદ

  14. अदभूत! आपका परिचय पढ़कर आनन्द हुआ। अस्तु। ओमशांति। उषा। आपको मेरे ब्लोगको समय निकाल फ़ोलो करने पर शुक्रिया अदा करना चाहती हूँ। आप के अनुभवको शेयर करने की मनसा रखती हूँ।

  15. દિનેશ ભાઈ…કવિતા અને ટુંકમાં પદ્ય માં મને બહુ ગતાગમ નથી એટલે એના વિશે બસ એમ જ વખાણ કરવાનો પ્રયત્ન , મુર્ખામિ કહેવાશે પણ…મને જે ગમ્યું એ તો…તમારી સક્રિયતા ! , જિંદગિ દોડતી ભાગતી રહેવી જોઇએ…પહાડ પરથી ગબડેલા પથ્થર ની જેમ..મને તો તમારું સક્રિય રહેવું જ વધારે ગમ્યું. 🙂

    (તમે જે મારા બ્લોગ ને ફોલો કર્યો છે એને હું થોડા સમય પહેલા બંધ કરી ચુક્યો છું… નવું સરનામું કંઈક આમ છે.. nikhilshukl.com )

  16. Dear Dineshbhai,
    Namaste !
    You had visited my Blog Chandrapukar on many occasions.
    Thanks for your visits/comments.
    1st time on your Blog.
    Very nice !
    Now I know you better.
    Read your Profile and>>>
    હું દિનેશચંદ્ર દલસુખરામ પાઠક અને મિત્રોમાં દિનેશ પાઠક તરિકે જાણીતો. જ્ઞાતિજનમાં નાનાં મોટા સૌનો ‘દિનુ મામા’! મારું મૂળ વતન ‘થળી’, તા. રાજપીપળા, જિ. નર્મદા, ગુજરાત.
    Nice to know you !
    Welcome to Gujarati WebJagat !
    Congratulations for a nice Blog.
    DR. CHANDRAVADAN MISTRY
    http://www.chandrapukar.wordpress.com
    Inviting YOU & your READERS to Chandrapukar !

  17. માનનીય શ્રી દિનેશભાઈ,
    તમારી જ્ઞાનસમૃદ્ધિ મને તમારા બ્લોગ પર વારંવાર આવવા મજબૂર કરશે.
    તમે માત્ર પ્રોફેસર નથી (એ તો કંટાળાજનક હોય, ખરૂં કહું છુ !). તમે તો એક જ્ઞાનશીલ શિક્ષક, પરિવ્રાજક (પરિવ્રજન કરે તે પરિવ્રાજક), ઋજુદિલ કવિ છો.
    સર્વતોમુખી કલ્યાણની કામના કરૂં છું.
    શુભેચ્છુ મિત્રાનંદસાગર

  18. pujya dineshbhai

    I am extremely happy to see everything. I was lost in my all old memories. Thanks to nirmal for making use of technology & ultimately bringing this khajana for all good people who wants to enjoy life subjectively & get right thinking pattern.

    prakash shah

  19. adarniy Dinesh bhai Pathak……jai maa gurjjari.sneh vandan.anand thyo.kalm,kala,sangit no triveni sangam….bhagyej jova male..ape te rashiko mate uplabdh kari apiyo abhaar…..vicharo,kathan ane rajuaat badhu belence ma….gujarati gira na sapute bhasha ni ,sahitay ni puja kari hoy teva darshan thaya…….baroda avish to achuk malavani laalach roki nahi shaku…Jitendra Padh.Vashi Navimumbai.Maharasta.

  20. આદરણીય વડીલ દિનેશ ભાઈ આપ ને અહીં મળી ને ખુબ આનંદ થયો ગુજરાતી ભાષા ની મજા જ અનેરી છે , આપ જેવા મોટા ગજા ના માણસ મારા જેવા શિખાઉ બ્લોગર નો બ્લોગ ફોલો કરે એ મારા આત્મવિશ્વાસ ના છોડ ને ખાતર અને પાણી બંને સિંચવાનું કામ કરશે એવો મને વિશ્વાસ છે , સાહેબ મારા પ્રયત્ન ને બિરદાવવા બદલ આપ નો ખુબ ખુબ આભારી છું .
    પરમ પૂજ્ય દાદા ના ક્રાંતિકારી વિચારોથી હું પણ સુપેરે પરિચિત છું એના થકી જ મારો આખો પરિવાર આનંદ માણી રહ્યો છે , આપ ની રચનાઓ સરળ હોવા છતાં ઊંડા તત્વજ્ઞાન થી ભરેલી છે આપ ને આવી રચનાઓ રચવા બદલ અભિનંદન અને શુભેચ્છાઓ ! મારો બ્લોગ !!!! સંવેદના ના સરનામું !!!! આપ ને ગમ્યો એ બદલ આપ નો ખુબ ખુબ આભાર !

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out /  બદલો )

Twitter picture

You are commenting using your Twitter account. Log Out /  બદલો )

Facebook photo

You are commenting using your Facebook account. Log Out /  બદલો )

Connecting to %s