કહાનાએ ગાયું એ ગીત ગાવું… (૨)
હોઠે રમાડું ને મનમાં સમાવું.. મનમાં સમાવું… એ ગીત ગાવું…
ભાવ હિંડોળે શ્યામ ઝુલાવું… (૨)
કૃતિ કુસુમ એને ચરણે ચઢાવું…ચરણે ચઢાવું… એ ગીત ગાવું…
દુઃખના પહાડ તળે ન દબાઉં… (૨)
પીડતાં દુઃખને પણ હું હસાવું…પણ હું હસાવું… એ ગીત ગાવું…
હરિ મુજમાં તેથી હરખાઉં… (૨)
મસ્ત થઈને હું ગુણ ગાઉં…હું ગુણ ગાઉ… એ ગીત ગાવું…
પાપ કીચડમાં પદમ હું થાઉં… (૨)
ફોરમ હરિ ગુણની ફેલાવું… હું ફેલાવું… એ ગીત ગાવું…
સંત ગુણી જનનું છે પ્યારું… (૨)
મોહનનું ગીતા ગીત ન્યારું… તે ગીત ન્યારું એ ગીત ગાવું…