કાચા સૂતરની અતૂટ મારી રાખડી,
સ્નેહનો સમંદર વહાવતી એ આંખડી. કાચા. . .
જીવનની લક્ષ્મણ રેખાને બતાડતી,
સંસ્કૃતિ ધર્મના અદેખાને ડારતી,
સંયમના દંડ સમી જાણેકે લાકડી. કાચા. . .
વીજળીનો ચમકારો એમાં સમાતો,
તીખારો દુષ્ટોને એનો દઝાડતો,
સ્વાપર્ણના યજ્ઞ તણી જ્વાળા છે ફાંકડી. કાચા. . .
ભાવ તણાં બંધનની એતો છે બેડી,
જીવન વિકાસ કાજ થાતી એ કેડી,
ચરણોમાં શક્તિને ભરતી થઈ ચાખડી. કાચા. . .
વ્યસનો ને દુર્ગુણથી એતો બચાવે,
વેદના વિચારોથી જીવન સજાવે,
કરતી તેજસ્વી જે જીંદગી છે રાંકડી. કાચા. . .
તમારું મનન એજ મારું કવન હો! 