તું છે વર્ધક મા સંસ્કૃતિનો લાડકો રે લોલ;
પ્રભુ ચરણે ચઢેલું તું ફૂલડું રે લોલ.
નથી ઘરડો તું ભોગમાં ઘસાયેલો રે લોલ,
તું વધેલો છે ભાવ પ્રેમ કર્મમાં રે લોલ. . . તું છે. . .
અનુભવની તને આંખ સાંપડી રે લોલ,
યુવાશક્તિની પાંખ સાથ જોડજે રે લોલ. . . તું છે. . .
तेन त्यक्तेन भुञ्जीथा: ઋષિ વદે રે લોલ,
તારું કૌશલ સહુને તું વ્હેંચજે રે લોલ. . . તું છે. . .
ઘર ખૂણેના મૃત્યુ પોકારતો રે લોલ,
હરિ હરખે તેમ હરિધામ પહોંચજે રે લોલ. . . તું છે. . .
કંઈક સંતાનો વાત્સલ્ય ઝંખતા રે લોલ,
વાનપ્રસ્થ થઈ સ્નેહને વહાવજે રે લોલ. . . તું છે. . .