વાંસળી વાગી યમુના કાંઠડે… (૨)
ક્હાનાના હૈયાની વાણી ગાય રે…
ગાય રે. . . વાગી યમુના. . .
બંસી મનહર હોઠે રમતી,
ચુંબનનું મધુપાન એ કરતી,
અધર પીયાસી મુજને એની હોંસ રે…
હોંસ રે. . . વાગી યમુના. . .
શ્યામ મિલનનો દૂત થૈ આવી,
વિરહનું મારણ પણ લાવી,
મારું શમણું આજ થતું સાકાર રે…
સાકાર રે. . . વાગી યમુના. . .
અડધા પડધા વાઘા પે’ર્યા,
લૂખ્ખા કેશ હવામાં લહેર્યા,
હૃદય સજાવી ચાલી એની પાસ રે…
પાસ રે. . . વાગી યમુના. . .
રડતાં લોચનીયાં મલકાયાં,
મૂરઝાયેલાં મન મુસ્કાયા,
લાગણીઓની હરિયાળી હરખાય રે…
હરખાય રે. . . વાગી યમુના. . .