દીધાં બલિદાન સંતે કેવાં રૂપાળા,
એને ના કરશું અમે કો’દી કાળા. દીધાં. . .
સર્જ્યો એણે ઈતિહાસ,
પૂરશું એમાં અમ શ્વાસ,
ધરશું ચરણોમાં ધબકતાં યૌવન હુંફાળાં. . . દીધાં. . .
તીર્થરાજનું મિલન,
ગુંજે ચૌદે ભવન,
પાંચજન્ય થઈને ગુંજીશું કૃપાળા. . . દીધાં. . .
કીધા વિધવિધ પ્રયોગ,
કરવા શિવનો સંયોગ,
તેથી ઉપવનને કૃષિ છે દિવ્ય પ્રેમશાળા. . . દીધાં. . .
અંધ ભક્તિના ખેલ,
એની ચાલી’તી રેલ,
કૃતિ ભક્તિ બતાવીને કાઢ્યાં છે જાળાં. . . દીધાં. . .
ગામ ગામમાં કૃષિ,
જોઈ હસતાં ઋષિ,
નથી શ્રમદાન એતો છે સાચી જપમાળા. . . દીધાં. . .